მუშაობა MS EXCEL-ში

ეს საინტერესოა!

გრაფიკულ ობიექტში (WordArt) ფორმულის ჩაწერა

WordArt-ში ფორმულის ჩაწერაა შესაძლებელი! ამისათვის:

1. უნდა ჩავსვათ გრაფიკული ობიექტი WordArt 
   
   
   
2. ფორმულის ველში  შევიტანოთ ფორმულა, მაგალითად =A2. შედეგად A2-ში ჩაწერილი ტექსტი ასახული იქნება გრაფიკულ ობიექტში WordArt.

---

უჯრების მონიშვნა კლავიშების მეშვეობით

Excel-ში უჯრების მონიშვნა შესაძლებელია Shift და Ctrl კლავიშებით, მაგრამ არსებობს კიდევ ერთი გზა - კლავიში F8. ამისათვის უნდა მოვნიშნოთ დიაპაზონში პირველი უჯრა, შემდეგ დავაჭიროთ F8 და დავაწკაპუნოთ დიაპაზონის ბოლო უჯრაზე. ამ რეჟიმის გამორთვა შესაძლებელია Esc-ით.

---

მონაცემთა სწრაფი გაფილტვრა

მონაცემთა სიები ხშირად დიდ ინფორმაციას შეიცავს. ზოგჯერ ამ ინფორმაციის ნაწილი გვჭირდება. ცხრილიდან საჭირო ინფორმაციის ამოსაკრებად მონაცემთა გაფილტვრის ბრძანება - Filter გამოგვადგება. მათთვის ვინც ხშირად იყენებს მონაცემთა გაფილტვრას საინტერესო იქნება შემდეგი ინფორმაცია, კერძოდ, სწრაფი გაფილტვრის ჩართვა/გამორთვა კლავიშების მეშვეობით CTRL + SHIFT + L.

---

Windows-ის კალკულატორი Excel-ში

ზოგი მომხმარებელი Excel-თან ერთად იყენებს Windows-ის კალკულატორს.
როგორ ჩავსვათ კალკულატორი Excel-ის სწრაფი წვდომის პანელზე?


1. დავაწკაპუნოთ სწრაფი წვდომის პანელის ღილაკზე Customize Quick Access Toolbar 

2. ავირჩიოთ ბრძანება More Commands --> Commands Not in the Ribbon -->Calculator -->Add --> OK

---

ტექსტური უჯრა

თუ რიცხვის წინ შევიტანთ აპოსტროფს ', მაშინ უჯრის ფორმატი ავტომატურად გახდება ტექსტური (Text) და შესაძლებელი გახდება, მაგალითად, შემდეგი მონაცემების შეტანა 001567 და ა. შ.

---

სტრიქონების სწრაფი ჩასმა

ამისათვის საჭიროა, რომ მოინიშნოს უჯრა, რომლის შემდეგ უნდა ჩავსვათ სტრიქონების საჭირო რაოდენობა. მივიტანოთ კურსორი უჯრის მარჯვენა ქვედა კუთხეში და Shift-ით (თითის აუღებლად) გამოვიყენოთ ავტოშევსების ღილაკი.

---

უჯრაში ჩაწერილი ფორმულის შეცვლა მისი მნიშვნელობით

მოვნიშნოთ უჯრა, რომელშიც ფორმულაა ჩაწერილი და დავაჭიროთ F2 და შემდეგ F9. შედეგად ფორმულა იშლება და უჯრაში რჩება მხოლოდ მნიშვნეობა.

---

კლავიშების კომბინაცია Ctrl + D

კლავიშების კომბინაციით Ctrl + D შეგვიძლია დავაკოპიროთ ზევით მდებარე უჯრის მნიშვნელობა. და თუ მოვნიშნავთ დიაპაზონს, მაშინ კლავიშების კომბინაციით Ctrl + D, დიაპაზონის პირველ უჯრაში ჩაწერილი ინფორმაცია ჩაიწერება მონიშნული დიაპაზონის ყველა უჯრაში.

---

Excel-ის  ცხრილის დაკავშირება Word-თან

მონაცემები Excel-იდან შეგვიძლია დავაკავშირთ Word-თან, რას ნიშნავს იმას, რომ Excel-ში ცვლილების შეტანისას, ეს ცვლილება ასახული იქნება Word-შიც. ამისათვის, დავაკოპიროთ Excel-ის ცხრილი და Word-ში ჩავსვათ Paste-->Paste Special ბრძანებით. ეკრანზე გამოსულ ფანჯარაში ავირჩიოთ Paste Link და Microsoft Office Excel WorkSheet Object ბრძანებები.

ვცადოთ Excel-ში ცვლილების შეტანა და დავრწმუნდებით, რომ შეცვლილი ინფორმაცია აისახება Word-შიც.