"ისტ-ის სამყაროში"

გაკვეთილის "ისტ-ის სამყაროში" გეგმა

გაკვეთილის მთავარი თემა	შემოქმედებითი გაკვეთილი „ისტ-ის სამყაროში“
სწავლების საფეხური	დაწყებითი საფეხური, VI კლასი ( ორი გაკვეთილი)
მოსწავლეთა პროფილი	25 მოსწავლე
გაკვეთილის მნიშვნელობა/აქტუალობა	გაკვეთილის აქტუალობა მდგომარეობს იმაში, რომ კომპიუტერი იღებს მონაწილეობას მოსწავლეთა ცოდნის შემოწმებაში და შეფასებაში
გაკვეთილის მიზნები და შედეგები	ის ტექნ. VI. 1 მოსწავლე გაიაზრებს საპრეზენტაციო პროგრამის PowerPoint-ის მნიშვნელობას და შესაძლებლობებს;  მოახდენს ტექსტური, გრაფიკული და აუდიო-ვიდეო მასალის ეფექტიანად კომბინირებას შესაფერისი ციფრული მასალის შექმნისას; ის ტექნ. VI. 2 ადეკვატურად შეარჩევს ციფრულ საშუალებებს ცნებების, ობიექტების და პროცესების გამოსახვისას.
წინასწარი ცოდნა	მოსწავლეებმა იციან კომპიუტერის მოწყობილობები, ტექსტურ რედაქტორში მუშაობის ძირითადი წესები, ფლობენ ინფორმაციას ინტერნეტზე, როგორც გლობალურ ქსელზე და თავისუფლად ქმნიან პრეზენტაციებს ანიმაციით.
შეფასების საგანი და პროცედურები	მოსწავლეები შეფასდებიან განმავითარებელი შეფასებით და სიტყვიერი კომენტარით. მოსწავლეები შეფასდებიან კომპიუტერის მიერ: ტესტებში - მსწავლებელი პროგრამის მიერ; დავალებებში (რებუსი, კროსვორდი, გამოიცანი სიტყვა) - შეტყობინებით „სწორია შეტანილი პასუხი“ ან  „შეცდომაა“
სასწავლო მასალა და ტექნიკური რესურსები	MS Office პროგრამები: PowerPoint 2010; Excel 2010. კომპიუტერი, პროექტორი, დინამიკები
პირველი გაკვეთილის მსვლელობა	პრეზენტაცია  „ისტ-ის სამყაროში“ საორგანიზაციო საკითხები (2 წუთი) ტესტები: უპასუხე კითხვებს (23 წუთი) - მსწავლებელი პროგრამა-ტესტი, რომელიც Trigger-ის მეშვეობით შედგენილია PowerPoint-ში. გამოიცანი კოდირებული შეტყობინება (6 წუთი) - ანბანის თითოეული ასო კოდირებულია, მოსწავლის ამოცანაა შეიტანოს Textbox-ში კოდირებული სიტყვა, სწორი ან არასწორი პასუხის შემთხვევაში კომპიუტერი გამოიტანს შესაბამის შეტყობინებას. რებუსები (5 წუთი) - მოსწავლის ამოცანაა გამოიცნოს რებუსი და სწორი პასუხი შეიტანოს შესაბამის ველში, რაზეც ინტერაქტიურ რეჟიმში მიიღებს პასუხს. ანაგრამები (4 წუთი) - ანუ ასოების გადასმა ისე, რომ ერთი სიტყვიდან სხვა სიტყვა მივიღოთ. მოსწავლის ამოცანაა გამოიცნოს სიტყვა და სწორი პასუხი შეიტანოს შესაბამის ველში. შეჯამება (5 წუთი);
მეორე გაკვეთილის მსვლელობა	საორგანიზაციო საკითხები (2 წუთი) პრეზენტაცია  „ისტ-ის სამყაროში“ გამოიცანი სიტყვა: (20 წუთი) - სახალისო და საინტერესო დავალება. კლასი სამ ჯგუფად იყოფა. კითხვა ეკრანზე სულ სამჯერ ციმციმებს, მოსწავლეებმა უნდა დაიმახსოვრონ კითხვა და აირჩიონ ასო-ბგერა, თუ არჩეული ასო არ არის სიტყვაში, მაშინ კომპიუტერი გამოსცემს ხმოვან შეტყობინებას: "არ არის ასეთი ასო", სხვა შემთხვევაში არჩეული ასო გამოჩნდება სიტყვაში შესაბამის ადგილას. კროსვორდი 1 (10 წუთი) - PowerPoint-შია შედგენილი კროსვორდი 2 (10 წუთი) - შედგენილია MS Excel-ში. შეჯამება (3 წუთი)

ანგარიში გაკვეთილის ჩატარების შესახებ

კლასი:  VI მასწავლებელი:   მარიეტა ტოროსიანი                                                                                                      საგანი:  ინფორმაციული და საკომუნიკაციო ტექნოლოგიები
ძირითადი თემა/საკითხი	„ისტ-ის სამყაროში“
საკვანძო მეთოდები/სტრატეგიები	მუშაობა ჯგუფებში და წყვილებში
ძირითადი სასწავლო რესურსები	კომპიუტერი, პროექტორი, MS Office PowerPoint 2010
გეგმით განსაზღვრული   შედეგები	მოსწავლეებმა გაიაზრეს საპრეზენტაციო პროგრამის PowerPoint-ის შესაძლებლობები. მოსწავლეებმა შესაფერისი ციფრული მასალის შექმნისას ობიექტების და პროცესების გამოსახვისას ადეკვატურად შეარჩიეს ციფრული საშუალებები და ცნებები (იხილეთ მოსწავლეების პრეზენტაციები) და მოახდინეს  გრაფიკული მასალის ეფექტიანად კომბინირება;
გაკვეთილზე გამოყენებული მეთოდები/სტრატეგიები და მათი გავლენა მოსწავლეებზე	მოსწავლეებისთვის სახალისო და თვალსაჩინო იყო ტესტებზე სავარაუდო პასუხის არჩევა, რებუსების ამოხსნა და განსაკუთრებით დავალება „სიტყვების და კროსვორდების  გამოცნობა“ მოსწავლეები ინტერესით და ხალისიანად ეკიდებოდნენ ერთმანეთის პასუხებს და  კომპიუტერის მიერ წარმოდგენილ  შეფასებას
რაზე მეტყველებს მოსწავლეთა ნამუშევრები?	მოსწავლეები დიდი ენთუზიაზმითა და პასუხისმგებლობით მოეკიდნენ საქმეს, მაქსიმალურად ხარისხიანად შეადგინეს პრეზენტაციები  და წარმოადგინეს კლასის წინაშე.
უფრო მეტად რომელი უნარების განვითარება იკვეთება?	შემოქმედებითი და წარმოსახვითი აზროვნება